"ზაზა" ჩემპიონია Archives - ზაზა ფაჩულიას კალათბურთის აკადემია

“ზაზა” “ოლიმიას თასის” ჩემპიონია

Posted on დეკემბერი 29, 2019თებერვალი 17, 2020 by admin admin

ზაზა ფაჩულიას აკადემიის 13-წლამდელთა და 15-წლამდელთა გუნდები სლოვენიაში, “ოლიმიას თასზე” ასპარეზობდნენ, სადაც მნიშვნელოვან წარმატებას მიაღწიეს.

დავით მუმლაძისა და ნიკა მსხალაიას გაწვრთნილმა 15-წლამდელთა გუნდმა ჯგუფურ ეტაპზე ყველა მატჩი მოიგო და ფინალში იტალიურ კლუბ “აზურას” დაუპირისპირდა, რომელიც 92:63 დაამარცხა და ჩემპიონი გახდა. ტურნირის საუკეთესო მოთამაშედ ზაზას აკადემიის წევრი ლევან ძინძიბაძე დაასახელეს.

ზაზას აკადემიის U15 გუნდი “ოლიმიას თასის” ჩემპიონი

ფინალში გავიდა ზაზას აკადემიის სერბი სპეციალისტის, ზორან პენოს გაწვრთნილი 13-წლამდელთა გუნდიც, რომელიც საჩემპიონი მატჩში ასევე იტალიურ “აზურას” დაუპირისპირდა და დაძაბულ ბრძლაში დამარცხდა. გუნდი “ოლიმპიას თასის” ვიცე-ჩემპიონი გახდა.

ზაზას აკადემიის U13 გუნდი – “ოლიმიას თასის” ვიცე ჩემპიონი

“ზაზა 1” ჩემპიონია

Posted on ნოემბერი 21, 2019იანვარი 30, 2020 by admin admin

დავით მუმლაძისა და ვასო კუტალაძის გაწვრთნილმა გუნდმა თბილისის 14-წლამდელთა ჩემპიონატის ფინალში “ჰიუნდაი 1” უმასპინძლა და დამაჯერებლად, 95:50, სძლია.

“ზაზა 1”-მა უპირატესობა მატჩის პირველივე წუთებზე მოიპოვა და თამაშის ბოლომდე შეინარჩუნა. ჩვენმა ბიჭებმა მეტოქე გუნდს გართულების გარეშე მოუგეს და თბილისის საუკეთესო გუნდის ტიტული მოიპოვეს

გამარჯვებულ გუნდს საჩემპიონო თასი და ოქროს მედლები, თბილისის კალათბურთის განვითარების კავშირის პრეზიდენტმა, ვლადიმერ ძიძიგურმა და გამგეობის წევრმა მამუკა ლომიძემ გადასცეს. ტურნირის გამორჩეული მოთამაშე ზაზას აკადემიის წევრი, ლუკა მუჯირიშვილი გახდა.

“ზაზა” Jr. NBA-GBF ლიგის ჩემპიონია

Posted on ივნისი 27, 2019თებერვალი 11, 2020 by admin admin

2018-2019 წლების სეზონის Junior NBA-GBF ლიგის გამარჯვებული ზაზას აკადემიის პირველი გუნდი გახდა, რომელიც ტურნირში “ჩიკაგო ბულსის” სახელით ასპარეზობდა. ჟოლივეტ ტუჯანისა და ლაშა თოიძის გაწვრთნილმა გუნდმა ფინალურ მატჩში “იუტა ჯაზის” სახელით მოასპარეზე “ქუთაისი 1” დაამარცხა. შეხვედრა ზაზას აკადემიის უპირატესობით წარიმართა. “ჩიკაგო ბულსმა” მეტოქე 46:28 დაამარცხა.

Junior NBA-GBF ლიგა საქართველოს კალათბურთის ეროვნული ფედერაციის, ამერიკის ნაციონალური საკალათბურთო ასოციაციის, საქართველოში ამერიკის საელჩოსა და განათლების, მეცნიერების, კულტურისა და სპორტის სამინისტროს ერთობლივი ორგანიზებით უკვე მეოთხე წელია, ტარდება. ზაზა ფაჩულიას კალათბურთის აკაემია უკვე მესამე წელია პირველობას არავის უთმობს.

ფინალზე დასასწრებად თბილისში Junior NBA-ს ელჩი ბოსტიან ნახბარი ჩამოვიდა, რომელიც წლების მანძილზე თმაშობდა NBA-ში და სლოვენიის ყველა დროის ერთ-ერთ საუკეთესო მოთამაშედ ითვლება.

ფინალურ მატჩამდე ზაზას აკადემიის მესამე გუნდი და “იბერი” ერთმანეთს მესამე ადგილისთვის დაუპირისპირდნენ. “მემფის გრიზლისის” სახელით მოასპარეზე ზაზას აკადემიის გუნდმა დაძაბულ, ოვერტაიმიან ბრძოლაში “დეტროიტ პისტონსთან” (“იბერი”) – 23:22 დამარცხდა.

ფინალური მატჩის დასრულების შემდეგ დაჯილდოების ცერემონიალი გაიმართა, სადაც ჩემპიონი და პრიზიორი გუნდები, ასევე ინდივიდუალური პრიზების მფლობელები ქართული კალათბურთის ცნობილ სახეებთან ერთად Junior NBA-ის ელჩმა, სლოვენიელმა ბოსტიან ნახბარმა დააჯილდოვეს.

ჯუნიორ NBA-ს მეოთხე ადგილის მფლობელი გახდა მემფის გრიზლისი/ ზაზა3, რომელიც სიგელებით დააჯილდოეს ცნობილმა სპორტულმა ჟურნალისტმა ჯამლეტ ხუხაშვილმა და ეროვნული ნაკრების კალათბურთელებმა მანუჩარ მარკოიშვილმა და გიორგი შერმადინმა.

2019 წლის ჯუნიორ NBA-ს ჩემპიონ გუნდს (ჩიკაგო ბულსი/ ზაზა1) საჩემპიონო ბეჭდები და სიგელები კალათბურთის ეროვნული ფედერაციის პრეზიდენტმა პაატა გურასპაულმა და ნბა-ს ორგზის ჩემპიონმა, საქართველოს ეროვნული ნაკრების ყოფილმა კაპიტანმა ზაზა ფაჩულიამ გადასცეს.

ტრადიციულად, გამოვლინდა 2018-2019 წლების სეზონის ჯუნიორ NBA-ს 8 საუკეთესო მოთამაშე. მათ ეროვნული ნაკრების მაისურები გიორგი შერმადინმა, მანუჩარ მარკოიშვილმა, დუდა სანაძემ და მიხეილ ბერიშვილმა გადასცეს.

ზაზა1/ჩიკაგო ბულსი – თემუკა ფატარიძე, დაჩი მეშვილდეშვილი

ქუთაისი1/იუტა ჯაზი – გიორგი ნიკოლაევი, გერა ჭეიშვილი

იბერი/ დეტროიტ პისტონსი – პეტრე ბაგრატიონი, სანდრო სახვაძე

ზაზა3/ მემფის გრიზლისი – მათე ხატიაშვილი, მათე ნებიერიძე

2018-2019 წლების სეზონის ჯუნიორ ნბა-ს საუკეთესო მოთამაშე თემუკა ფატარიძე (ზაზა1/ჩიკაგო ბულსი) გახდა, რომელმაც ფინალურ მატჩში 27 ქულა დააგროვა. საუკეთესო მოთამაშე სპეციალური პრიზით კალათბურთის ეროვნული ფედერაციის პრეზიდენტმა პაატა გურასპაულმა დააჯილდოვა.

“ზაზა” საქართველოს U20 “ბ” ლიგის ჩემპიონია

Posted on მაისი 13, 2019თებერვალი 7, 2020 by admin admin

ირაკლი მაისურაძის გუნდმა გადამწყვეტი მატჩი “აკადემიასთან” მოიგო და ჩემპიონის ტიტულის მფლობელი გახდა.

დაძაბული ბრძოლა გარდამავალი უპირატესობით წარიმართა. თამაშის ბედი ბოლო წამებზე გადაწყდა. მატჩის დასრულებამდე ერთი წუთი იყო დარჩენილი და ტაბლოზე ანგარიში 71:71 ფიქსირდებოდა, როდესაც “აკადემიელები” დაჩი ქავთარაძეს წინააღმდეგ დაჯარიმდნენ. ქავთრაძემ ორივე საჯარიმო სროლა ზუსტად შეასრულა და “ზაზა” დაწინაურდა. საბოლოოდ შეხვედრა 73:71 “ზაზას” მოგებით დასრულდა.

“ზაზას” 18 ქულით და 9 მოხსნით ნიკა მეცხვარიშვილმა ულიდერა. 15 ქულა და 5 პასი დაჩი ქავთარაძემ მიითვალა. 10-10 ქულით დაასრულეს შეხვედრა ნიკოლოზ გაფრინდაშვილმა და ირაკლი კილაძემ.

მატჩის და ტურნირის MVP ნიკა მეცხვარიშვილი გახდა, საუკეთესო ახალგაზრდა მოთამაშე – დაჩი ქავთარაძე

“ზაზა” ჩემპიონია!

Posted on აპრილი 21, 2019თებერვალი 6, 2020 by admin admin

ტარტუში დასრულდა BBBL-ის საერთაშორისო ტურნირი ევროპის ჩემპიონატი კლუბებს შორის, რომლის 13-წლამდელთა ფინალში ზაზა ფაჩულიას აკადემიის გუნდმა ზაზამ 62:57 მოუგო რუსულ ადმირალს. ტურნირის საუკეთესო მოთამაშე ნიკოლოზ აბულაძე გახდა, რომელმაც ფინალში 33 ქულა დააგროვა.

ზაზას შემადგენლობა: ნიკოლოზ აბულაძე, ტარიელ თაბუაშვილი, ანდრია ფილაური, მათე ხატიაშვილი, ამირან აროშიძე, ალექსანდრე შალოშვილი, ლუკა მუჯირიშვილი, საბა მამაცაშვილი, ანდრია რაზმაძე, ანდრია სალაყაია, ლუკა სულაბერიძე, გურამ ცხადაძე, ლიკა კვირკველია, ლუკა მეცხვარიაშვილი, ლუკა კოტლიარევსკი.

გუნდის მწვრთნელები: უილ სმიტი და დავით მუმლაძე.

ჩემპიონატი 2018 წლის ოქტომბერში დაიწყო და მონაცვლეობით ტარდებოდა ესტონეთსა და ლატვიაში. ლიგაზე 33 ასპარეზობდა. 2 ჯგუფში გადანაწილებულმა გუნდებმა 15-15 მატჩი ჩაატარეს. პლეი ოფში თითო ჯგუფიდან 8-8 საუკეთესო გუნდი გადავიდა.

“ზაზა” JR. NBA – GBF ლიგის გამარჯვებულია

Posted on დეკემბერი 17, 2018თებერვალი 11, 2020 by admin admin

ზაზა ფაჩულიას საკალათბურთო აკადემიის გუნდი “ოკლაჰომა თანდერი” 2017-2018 წლის სეზონის Jr. NBA-GBF გამარჯვებულია. ზორან პენოსა და დავით მუმლაძის გაწვრთნილმა გუნდმა ფინალურ მატჩში ბათუმის გუნდი “ვაშინგტონ უიზარდსი” 42:17 დაამარცხა.

Junior NBA – GBF ლიგა საქართველოს კალათბურთის ეროვნული ფედერაციის და ამერიკის ნაციონალური საკალათბურთო ასოციაციის ორგანიზებით იმართება. ტურნირის მხარდამჭერები გახლავთ ამერიკის შეერთებული შტატების საელჩო და საქართველოს სპორტისა და კულტურის სამინისტრო. Junior NBA – GBF ლიგა საქართელოში ყველაზე მასშტაბური საკალათბურთო პროექტია, რომელშიც ყოველწლიურად 70-ამდე გუნდი და 1000-ამდე ბავშვი მონაწილეობს.

ფინალური მატჩის დასრულების შემდეგ დაჯილდოვების ცერემონიალი გაიმართა.

2018 წლის ჯუნიორ NBA-ს ჩემპიონი გუნდი „ოკლაჰომა თანდერსი“ (ზაზას აკადემია) საჩემპიონო ბეჭდებით და სიგელებით NBA-ს ოპერაციების მენეჯერმა ვანია ჩერნივეცმა და კულტურისა და სპორტის მინისტრის მოადგილემ, შავლა გოგოლაძემ დააჯილდოვეს.

ტრადიციულად, გამოვლინდა 2018 წლის ოთხთა ფინალის 8 საუკეთესო მოთამაშე, რომლებსაც ეროვნული ნაკრების მაისურები გადაეცათ. ჯუნიორ ნბა-ს 8 საუკეთესო კალათბურთელი ვლადიმერ ბოისამ და გიორგი გაჩეჩილაძემ დააჯილდოვეს .

(ზაზა) ნიკა აბულაძე, გუკა ცხადაძე

(ქუთაისი) ლუკა ახვლედიანი, ლუკა ახვლედიანი

(ბათუმი) ლუკა ჯინჭარაძე, ლუკა ჯაში

(იბერი) გიორგი სოხაძე, საბა შარაშიძე

2018 წლის ჯუნიორ ნბა-ს საუკეთესო მოთამაშე „ოკლაჰომას“(ზაზას აკადემია) კაპიტანი ნიკა აბულაძე გახდა, რომელმაც 16 ქულა დააგროვა. საუკეთესო მოთამაშეს პრიზი კულტურისა და სპორტის მინისტრის მოადგილემ, შავლა გოგოლაძემ გადასცა.

“ზაზა” – სამოყვარულო ლიგის ჩემპიონი

Posted on მაისი 26, 2018იანვარი 30, 2020 by admin admin

მორიგი გამარჯვება და მორიგი საჩემპიონო თასი. ზაზა ფაჩულიას კალათბურთის აკადემიის გუნდი კალათბურთის სამოყვარულო ლიგის გამარჯვებულია. “ზაზა” ფინალურ ეტაპზე “აისის” წინააღმდეგ წარსდგა და დამაჯერებლად, 69:54 მოიგო.

“ზაზას” შემადგენლობა: გუგა პატარაია, ლექსო ლაფანაშვილი, ვიქტორ კოღუაშვილი, ვასო მჭედლიშვილი, ვასილ კუტალაძე, გიორგი ჩალიგავა, ბექა ქარცივაძე, ნიკოლოზ ნიბლაძე, დავით მუშკუდიანი, რეზი კილანავა, დავით მუმლაძე, ჯულივეტ ტოუჯანი.

მთავარი მწვრთნელი: ნიკა მსხალაია, ასისტენტი: ბექა ჭყოიძე.

ფინალის MVP: ლექსო ლაფანაშვილი.

“თავიდან თანაბარი თამაში იყო. ცოტა ვინერვიულეთ,რაც თამაშზეც აისახა და პირველ ტაიმს ვაგებდით. გუნდში ბევრი მწვრთნელი ვთამაშობთ, შევცვალეთ ტაქტიკა და პირველ შეტევაზე გადავედით. მივიღეთ შედეგი და მესამე მეოთხედის ბოლოში უპირატესობა მოვიპოვეთ. ბოლო მეოთხედი მშვიდად ჩავატარეთ. მინდა გამოვარჩიო ჩვენი ლიდერი – ლექსო ლაფანაშვილი, რომელმაც ითამაშა, იყო ლიდერი და დამსახურებულად გახდა საუკეთესო მოთამაშე”, – გუგა პატარაია.

” პირველი თამაში მახსენდება. გადაწყდა, რომ მე და ბექა ვიქნებოდით მწვრთნელები. ეს დიდი პასუხისმგებლობა და გამოწვევა იყო. წარმოიდგინეთ, ხარ კარგი მოთამაშეების და მწვრთნელების მწვრთნელი! ჩემპიონატი კარგ დონეზე იყო ორგანიზებული და მინდა მადლობა ვუთხრა ყველა მონაწილე გუნდს. ფინალური შეხვედრა დანაკლისით დავიწყეთ, რადგან დასაწყისშივე დაგვემტვრა ძირითადი ცენტრი დავით მუშკუდიანი, რაც დიდი დანაკლისი იყო. თუმცა გუნდმა ბოლომდე იბრძოლა. თამაშის გამორჩეული ლიდერი კი ლექსო ლაფანაშვილი იყო. მან ითამაშა, როგორც ნამდვილმა ლიდერმა და ლექსოს გარეშე ამ თამაშის მოგება რთული იქნებოდა. დიდი მადლობა ყველას გვერდში დგომისთვის. ჩვენ ეს ჩემპიონობა დავიმსახურეთ!”– ნიკა მსხალაია.

“ზაზა” ბელგიის ტურნირის ჩემპიონია!

Posted on დეკემბერი 30, 2017იანვარი 30, 2020 by admin admin

ბელგიაში დასრულებული დიდი საერთაშორისო ტურნირი ზაზა ფაჩულიას კალათბურთის აკადემიის გამარჯვებით დასრულდა. დეან პროკიჩისა და ჟულივეტ ტოუჯანის გაწვრთნილმა გუნდმა მაქსიმალური კონცენტრაციით ჩაატარა მთელი ტურნირი და ფინალში 93:90 დაამარცხა ბელგიის ჩემპიონი „ოსტენდე”.

ტურნირის საუკეთესო მოთამაშე ზაზა ფაჩულიას აკადემიის წევრი ლუკა მაზიაშვილი გახდა.

„მინდა, მადლობა გადავუხადო ყველას, ვინც მიიღო მონაწილეობა ამ წარმატებაში, ვინც შექმნა ეს შედეგი. მადლობა ზაზა ფაჩულიას, რომელიც ყოველთვის ყურადღებით ეცნობა ყველაფერს. მოთამაშეებმა ყველაფერი გააკეთეს, რომ ეს გამარჯვება მოსულიყო. ვაგრძელებთ მუშაობას“,– ჟულივეტ ტოუჯანი

“ზაზა” JUNIOR NBA-GBF ჩემპიონია

Posted on ივნისი 27, 2017თებერვალი 11, 2020 by admin admin

ჯუნიორ NBA-GBF ლიგის მეორე გათამაშება დასრულდა. ჩემპიონი ზაზა ფაჩულიას აკადემიის გუნდი გახდა, რომელიც ტურნირში „ჩიკაგო ბულსის“ სახელით ასპარეზობდა. ზაზას აკადემიელებმა საჩემპიონო მატჩში „ლოს ანჯელეს ლეიკერსის“ სახელით მოასპარეზე „ქუთაისი“ დაამარცხეს.

ჯუნიორ NBA-GBF ლიგას საქართველოს კალათბურთის ეროვნული ფედერაცია და ამერიკის ნაციონალური საკალათბურთო ასოციაცია ურთიერთთანამშრომლობის ფარგლებში ატარებენ. მხარდამჭერები არიან კალათბურთის რეგიონალური ფედერაციები და სპორტისა და ახალგაზრდობის საქმეთა სამინისტრო. ჯუნიორ NBA-GBF ლიგა მეორე წელია, ტარდება და მასში მთელი ქვეყნის მასშტაბით 1000-ზე მეტი ბავშვი გახლდათ ჩართული.

ფინალური მატჩის დასრულების შემდეგ დაჯილდოების ცერემონიალი გაიმართა.

ზაზა ფაჩულიას აკადემიის გუნდის წევრებს საჩემპიონო ბეჭდები და სიგელები საქართველოს პარლამენტის სპორტისა და ახალგაზრდობის საქმეთა კომიტეტის თავმჯდომარე მიხეილ ყაველაშვილმა, კალათბურთის ეროვნული ფედერაციის პრეზიდენტმა მიხეილ გაბრიჩიძემ და თბილისის კალათბურთის განვითრების პრეზიდენტმა პაატა გურასპაულმა გადასცეს.

ტრადიციულად, გამოვლინდა 2017-2018 წლების სეზონის ჯუნიორ NBA-ს 8 საუკეთესო მოთამაშე. მათ ეროვნული ნაკრების მაისურები დუდა სანაძემ, გიორგი ცინცაძემ და მანუჩარ მარკოიშვილმა გადასცეს.

გორი – თენგო გოგიშვილი, სანდრო ზარიძე

ჰიუნდაი – გეგა წულაია, ნიკა ბოსტოღანაშვილი

ქუთაისი – დათო ფესვიანიძე, ლუკა ლომთაძე, ლუკა გორგოძე

ზაზა – ლუკა ალავიძე, დავით მუმლაძე, ლევან ძინძიბაძე

ჯუნიორ NBA-GBF ლიგის საუკეთესო მოთამაშე „ზაზას აკადემიის“ წევრი – ლუკა ალავიძე გახდა, რომელსაც სპეციალური პრიზი სპორტისა და ახალგაზრდობის საქმეთა მინისტრმა, ტარიელ ხეჩიკაშვილმა გადასცა.