• მთავარი
  • სიახლეები
  • რეგისტრაცია
  • აკადემიის მიღწევები
  • ფოტო გალერეა
  • ვიდეო გალერეა
  • ვინ ვართ ჩვენ
  • “ზაზა” საქართველოს U20 “ბ” ლიგის ჩემპიონია

    “ზაზა” საქართველოს U20 “ბ” ლიგის ჩემპიონია

    ირაკლი მაისურაძის გუნდმა გადამწყვეტი მატჩი “აკადემიასთან” მოიგო და ჩემპიონის ტიტულის მფლობელი გახდა.

    დაძაბული ბრძოლა გარდამავალი უპირატესობით წარიმართა. თამაშის ბედი ბოლო წამებზე გადაწყდა. მატჩის დასრულებამდე ერთი წუთი იყო დარჩენილი და ტაბლოზე ანგარიში 71:71 ფიქსირდებოდა, როდესაც “აკადემიელები” დაჩი ქავთარაძეს წინააღმდეგ დაჯარიმდნენ. ქავთრაძემ ორივე საჯარიმო სროლა ზუსტად შეასრულა და “ზაზა” დაწინაურდა. საბოლოოდ შეხვედრა 73:71 “ზაზას” მოგებით დასრულდა.

    “ზაზას” 18 ქულით და 9 მოხსნით ნიკა მეცხვარიშვილმა ულიდერა. 15 ქულა და 5 პასი დაჩი ქავთარაძემ მიითვალა. 10-10 ქულით დაასრულეს შეხვედრა ნიკოლოზ გაფრინდაშვილმა და ირაკლი კილაძემ.

    მატჩის და ტურნირის MVP ნიკა მეცხვარიშვილი გახდა, საუკეთესო ახალგაზრდა მოთამაშე – დაჩი ქავთარაძე