Top 5 ფილმი კალათბურთზე მშობლებისა და შვილებისთვის
საინტერესოა თუ რა ხდება მაშინ, როდესაც ჩვენი საყვარელი სპორტი – კალათბურთი და ხელოვნების ერთ-ერთი განხრა – კინო, ერთმანეთს უკავშირდება.
თუ ხართ კალათბურთისა და ფილმების მოყვარული ეს სია თქვენთვისაა.
მაშასადამე წარმოგიდგენთ იმ ფილმების ჩამონათვალს, რომელიც ამ არაჩვეულებრივ სინთეზს გვაძლევს:
1. SPACE JAM
Space jam – ფილმი 1996 წელს იქნა გადაღებული და იგი აერთიანებს როგორც კინოს, ასევე კალათბურთის მოყვარულებს.
ანიმაციური ფილმი გამოშვების დღიდან პოპულარობით სარგებლობს როგორც ბავშვებში, ასევე მოზარდებშიც. ფილმის ასეთი პოპულარობა განაპირობა ლეგენდარული კალათბურთელის მაიკლ ჯორდანის ეპიკურმა თავგადასავლებმა, რომელიც ფილმშია ნაჩვენები.
მაიკლ ჯორდანის გარდა ფილმში მონაწილეობენ – ბილ მარი, ლარი ბერდი, ლარი ჯონსონი, ჩარლზ ბარკლი, სკოტი პიპენი, დენი ეინჯი და სხვები.
2. COACH CARTER
ფილმი რეალურ ისტორიაზეა დაფუძნებული და მოგვითხრობს ისტორიას მწვრთნელის შესახებ, რომელიც ,,წარუმატებელი“ სტუდენტებისგან შემდგარ კალათბურთის გუნდს, შტატების ტურნირში გაამარჯვებინებს თავისი მიზანდასახულობითა და შემართებით.
„ქუჩიდან – ჩემპიონებამდე“, ასე აფასებენ ფილმს კრიტიკოსები და ამბობენ, რომ ფილმი კალათბურთის სიყვარულის გარდა ბევრ საინტერესო ცხოვრებისეულ გაკვეთილს გვასწავლის.
მწვრთნელი კარტერის როლს, არაჩვეულებრივი მსახიობი – სემუელ ლეროი ჯექსონი ასრულებს.
3. LOVE & BASKETBALL
რომანტიკული დრამა მონიკა და ქვინსის ურთიერთობაზე მოგვითხრობს, რომელთათვისაც კალათბურთი ცხოვრების განუყოფელი ნაწილი გახლავთ. მათი ოცნებაა დაეუფლონ კალათბურთს პროფესიონალურად და თამაში NBA-ში გააგრძელონ. საინტერესოა თუ როგორ განვითარდება მათი ურთიერთობა მაშინ, როდესაც წყვილის ოცნებები ერთმანეთს გადაეკვეთება.
4. THUNDERSTRUCK
რა ხდება მაშინ, როდესაც 16 წლის კალათბურთის მოყვარულ, მოუხერხებელ ბიჭს თავისი საყვარელი კალათბურთელის – კევინ დურანტის შესაძლებლობები ეძლევა და ამავდროულად კევინ დურანტს, ამ სიტყვის პირდაპირი მნიშვნელობით, ხელიდან ეცლება?
ფილმში კევინ დურანტის როლს თავად კევინი ასრულებს.
5. CELTIC PRIDE
ალბათ ყველას გვსმენია სხვა და სხვა გამაოგნებელი ქცევების შესახებ, რომლებსაც სპორტის გადაჭარბებულად ერთგული ქომაგები ჩადიან ხოლმე, მაგრამ ცოტას თუ სმენია ისეთი დაუჯერებელი ისტორიის შესახებ, რომელიც ამ ფილმშია წარმოდგენილი.
ფილმი კომედიური ჟანრისაა და მოგვითხრობს ორ კალათბურთის მოყვარულ პერსონაჟზე, რომლებიც მზად არიან გააკეთონ ყველაფერი იმისათვის, რომ მათმა საყვარელმა გუნდმა გაიმარჯვოს. ისინი მზად არიან მოიტაცონ მოწინააღმდეგე გუნდის საუკეთესო მოთამაშეც კი, რადგან მათ საყვარელ გუნდს გამარჯვებაში ხელი არ შეეშალოს.
