NBA-ის სტანდარტები ქართულ კალათბურთში

სპორტისა და ახალგაზრდობის საქმეთა სამინისტროს ინიციატივითა და საქართველოს მთავრობის გადაწყვეტილებით, საქართველოს კალათბურთელთა ეროვნული ნაკრების კაპიტანს ზაზა ფაჩულიას, NBA-ს სტანდარტების კალათბურთის აკადემიის გასახსნელად, დიდუბეში (წერეთლის 105 ა) მდებარე სპორტული ბაზა 50 წლით გადაეცა. 

ზაზა ფაჩულიას წლების განმავლობაში სურდა საქართველოში NBA-ს სტანდარტების აკადემიის გახსნა, რაც დღეისათვის უკვე რეალობად იქცა.   შეთანხმების მიხედვით, აკადემია  ბავშვებს სხვადასხვა კლუბებში, ასაკობრივ და ეროვნულ ნაკრებში სათამაშოდ მოამზადებს. აკადემია იზრუნებს როგორც ბავშვების, ასევე მწვრთნელების განვითრებაზე.

ბაზაზე ფუნქციონირებს კალათბურთის 4 დარბაზი, სასტუმროს ტიპის ნომრები სპორტსმენებისთვის, მანეჟი სარბენი ბილიკით, სადაც განთავსდება ტრეჟანორები და სხვადასხვა სპორტული ინვენტარი.

“ყველაფერი ძალიან მოულოდნელად და სწრაფად მოხდა, რადგანაც დაკავებული ვიყავი ნაკრების თემით. რაც დღეს მოხდა, ძალიან დიდი პასუხისმგებლობაა. ყველაფერს გავაკეთებ, რომ გავამართლო მოლოდინი და ეს იყოს ერთ-ერთი საუკეთესო სკოლა”, – ზაზა ფაჩულია.