ზაზა ფაჩულიას კალათბურთის აკადემიამ ინდიანა პეისერსის ქართველ ცენტს გოგა ბითაძეს და NBA-ს ყოფილ მოთამაშეს, ბოშტიან ნახბარს უმასპინძლა. სტუმრები აკადემიის მოთამაშეებს შეხვდნენ და მათ თავიანთი გამოცდილება გაუზიარეს.
” მსგავსი შეხვედრები მნიშვნელოვანია, რადგან ახალგაზრდა მოთამაშეები საჭირო რჩევებს იღებენ. მართალია, გოგა ბითაძე თვითონ არის ძალიან ახალგაზრდა და ყველაფერი წინ აქვს, მაგრამ ევროპულ კალათბურთში უკვე მიიღო გამოცდილება. შესანოშნავი კარიერა ჰქონდა ნახბარს. მან გაუზიარა აკადემიის მოთამაშეებს თავისი ემოციები, გამოცდილება. სასარგებლო შეხვედრა გამოვიდა. კალათბურთში და ალბათ ზოგადად სპორტში ყველაფერი ისე ადვილი არაა, როგორც ხშირად გარედან ჩანს და ბავშვებისთვის, მოზარდებისთვის მსგავსი შეხვედრები აუცილებელია”, – ზაზა ფაჩულია.
