“კალათბურთი ყველაზე ინტელექტუალური, სწრაფი და ლამაზი სპორტია”

დავით არწივიძის კარიერა, მშობლიურ ქალაქში, რუსთავში დაიწყო. 13 წლის განმავლობაში უმაღლესი ლიგის გუნდებში თამაშობდა. „რუსთავის“ მაისურით ორჯერ გახდა ჩემპიონი. შემდეგ იყო „თსუს“ „სასოფლო უნივერსიტეტის“ „სამედიცინო უნივერსიტეტისა“, და „კაკტუსის“ რიგებში. კარიერის დასრულების შემდეგ გადაწყვიტა სპორტის საყვარელ სახეობას არ ჩამოშორებოდა და სამწვრთნელო კარიერა დაიწყო.

32 წლის ასაკში რუსთავის ქალთა საკალათბურთო გუნდის „ვეჯინის“ მთავარი მწვრთნელი გახდა. 2014-2015 წლებში, დავით არწივიძის გაწვრთნილი „ვეჯინი“ საქართველოს ჩემპიონი და საქართველოს თასის მფლობელი ხდება. შემდეგ იყო „ტიტების“ ასისტენტ მწვრთნელი. 2019 წელს კი „დელტას“ შეუერთდა. „დელტა“, მთავარი მწვრთნელის ლექსო ლაფანაშვილისა და ასისტენტ მწვრთნელის დავით არწივიძის ხელმძღვანელობით ჯერ „დუდუ დადიანის“ სახელობის თასის მფლობელი, შემდეგ კი სუპერ ლიგის ჩემპიონი გახდა.

ამჟამად სამწვრთნელო კარიერას, ზაზა ფაჩულიას კალათბურთის აკადემიაში აგრძელებს, სადაც 2006 წლიანების, „ზაზა 3“-ის მთავარი და U17 პირველი გუნდის ასისტენტ მწვრთნელია.

–  როგორი მწვრთნელია დავით არწივიძე?
   ვარჯიშზე ყოველთვის ვცდილობ მომავალი თაობისთვის სამაგალითო ვიყო. ეს არის საქმე, რომელიც ძალიან მიყვარს და პროცესში ყოველთვის ბოლომდე ვარ ჩართული. ვარჯიშებს ისე ვგეგამ, რომ ბავშვებისთვის მრავალფეროვანი და საინტერესო გამოვიდეს.
 ჩემთვის ყველაზე საპასუხისმგებლო ოფიციალური თამაშებია, რადგან ვარჯიშისგან განსხვავებით მატჩის მსვლელობისას მოთამაშეს ვერ აუხსნი თუ რა შეცდომა დაუშვა. ყოველთვის ვცდილობ მატჩის მსველობისას  შევისწავლო მეტოქე გუნდის სუსტი და ძლიერი მხარეები, მივიღო სწრაფი და სწორი გადაწყვეტილელები, რომ გუნდს გამარჯვება მოვუტანო.

– რატომ კალათბურთი ?
  კალათბურთი ჩემთვის ყველაზე ინტელექტუალური, სწრაფი და ლამაზი სპორტია.  12 წლის ასაკიდან  ის ჩემი ცხოვრება გახდა და მის გარეშე საკუთარი თავი ვერ წარმომიდგენია.

– საყვარელი კალათბურთელი ?
  ბავშვობიდან, როგორც უმეტესობისთვის, ჩემი საყვარელი კალათბურთელი არის მაიკლ ჯორდანი, თუმცა გამოვარჩევდი ალან აივერსონი სათამშო სტილსაც, რომელმაც სპორტის ეს სახეობა შემაყვარა.

– მისაბაძი მწვრთნელი?

  ჩემი ფავორიტი მწვრთნელია ჟელკო ობრადოვიჩი და გრეგ პოპოვიჩი.

– თავისუფალი დრო…

 თავისუფალ დროს ვცდილობ ოჯახთან ერთად გავატარო. მყავს 12 წლის ლუკა და 4 წლის მანიკა, რომლებიც ჩემმა ულამაზესმა მეუღლემ ტატამ მაჩუქა.