დირკ ნოვიცკი “ფაჩულიას აკადემიას” ესტუმრა
ზაზა ფაჩულიას კალათბურთის აკადემიას მსოფლიო კალათბურთის გერმანელი ვარსკვლავი, დირკ ნოვიცკი ესტუმრა. ნოვიცკის ზაზამ პირადად უმასპინძლა.
დალას მავერიკსის ლეგენდამ აკადემია დაათვალიერა, რის შემდეგაც ფაჩულიას აკადემიის მოთამაშეებს შეხვდა. ნოვიცკიმ კარიერის პირველ ნაბიჯებზე და იმ გზაზე ისაუბრა, რომელიც მან NBA-მდე გაიარა. შეხვედრის ბოლოს დირკმა აკადემიას და ახალგაზრდებს წარმატება უსურვა და პატარა კალათბურთელების შეკითხვებს უპასუხა.
“ზაზა იდეალური მასპინძელია. ის ზრუნავს აკადემიის, ქვეყნის, ქალაქისა და კულტურის განვითარებაზე. ზაზა ძალიან კარგი ადამიანია და მას სურს, რომ ყველაფერი კიდევ უფრო კარგი გახდეს. კარგია, რომ ფაჩულია გყავთ” – დირკ ნოვიცკი.
