• მთავარი
  • სიახლეები
  • რეგისტრაცია
  • აკადემიის მიღწევები
  • ფოტო გალერეა
  • ვიდეო გალერეა
  • ვინ ვართ ჩვენ
  • დიდი კალათბურთისკენ 

    დიდი კალათბურთისკენ 

     „თავიდან ძალიან ვნერვიულობდი და დიდ პასუხისმგებლობას ვგრძნობდი, რადგან ქართული კალათბურთის და ზაზას აკადემიის სახელით ვიყავი წასული. არ ვიცოდი, რა სირთულისა და ინტენსივობის ვარჯიშები იქნებოდა, თუმცა პროცესში ჩართვა გამიმარტივდა, რადგან ზაზას აკადემიაში უფრო მეტ დატვირთვასაც ვართ შეჩვეულები“,- ნიკა გაფრინდაშვილი.

    ზაზას აკადემიის მოთამაშე ნიკოლოზ გაფრინდაშვილი ლიტვაში, “კალათბურთი საზღვრების გარეშე” კემპზე იმყოფებოდა. აღნიშნული კემპი NBA-სა და FIBA-ს ერთობლივი პროექტია, რომლის მიზანი კალათბურთის, როგორც სპორტის სახეობის, პოპულარიზაცია და ახალგაზრდა მოთამაშეების განვითარებაა.

    4 დღიან კემპში, ევროპის სხვადასხვა ქვეყნის, 40 საუკეთესო მოთამაშე მონაწილეობდა. ახალგაზრდა კალათბურთელები ვარჯიშებს NBA-სა და ევროპის საუკეთესო სპეციალისტებთან გადიოდნენ.

    -კემპზე…

    ძალიან თბილი და მეგობრული გარემო დამხვდა. მივიღე კარგი გამოცდილება და შევიძინე ახალი კონტაქტები, მოთამაშეებისა და მწვრთნელების სახით. უშუალოდ პროცესს რაც შეეხება, გვქონდა ინტენსიური ვარჯიშები გამოცდილ სპეციალისტებთან. კემპის ფარგლებში ჩატარდა ტურნირი, სადაც ჩემმა გუნდმა, Milwaukee Bucks -მა გაიმარჯვა. ამასთან, კემპის პირველივე დღეს ჩაატარეს სამიანების კონკურსი, რომელშიც 40-ივე მოთამაშე მონაწილეობდა. ფინალში 4 საუკეთესო მსროლელში მოვხვდი. 

    -ქართველი ახალგაზრდა კალათბურთელების პერსპექტივები ევროპაში…

    საქართველოში არიან ისეთი პერსპექტიული და ნიჭიერი მოთამაშეები, რომლებიც ძლიან თავისუფლად ითამაშებენ ევროპაში. მთავარია, უნდა გიყვარდეს ეს საქმე და უნდა იყო უსაზღვროდ მშრომელი, რადგან ვარჯიშის გარეშე წარმატების მიღწევა რთულია.

    – ბოლოს…

    ძლიან დიდი მადლობა მინდა ვუთხრა ზაზას აკადემიას. ამ აკადემიაში გაძლევენ შესაძლებლობას, რომ განვითარდე და საჭირო გამოცდილება მიიღო. აქ სჯერათ ჩემი და სწორედ ამ ნდობისთის მინდა მათ ვუთხრა მადლობა.