• მთავარი
  • სიახლეები
  • რეგისტრაცია
  • აკადემიის მიღწევები
  • ფოტო გალერეა
  • ვიდეო გალერეა
  • ვინ ვართ ჩვენ
  • დიდი კალათბურთისკენ 

    დიდი კალათბურთისკენ 

    ზაზას აკადემიის კალათბურთელები, დაჩი ქავთარაძე და ირაკლი კილაძე, ვირჯინიაში, “ტოპ 100 ბანაკში” იმყოფებოდნენ. ბანაკში, მსოფლიოს სხვადასხვა ქვეყნის, 100 საუკეთესო მოთამაშე მონაწილეობდა.

    “ტოპ 100 ბანაკი”, ამერიკის შეერთებულ შტატებში, ერთ-ერთ მთავარ საკალათბურთო ღონისძიებად ითლვება. დაარსების დღიდან დღემდე ბანაკში მონაწილე 300-ზე მეტმა მოთამაშემ გაიკვალა გზა NBA-სკენ. მათ რიგებში არიან ცნობილი კალათბურთელები სტეფ კარი, კევინ დურანტი, ენტონ დევისი და ა.შ. კემპის მონაწილეები, 30-ზე მეტი, მოქმედი და ყოფილი NBA-ს კალათბურთელებისაგან იღებენ რჩევებს და ეუფლებიან საკალათბურთო ტექნიკას.

    -შთაბეჭდილებები…

    ირაკლი კილაძე:  „ სანამ ამერიკაში ჩავფრინდებოდით ორივეს გვქონდა წარმოდგენილი რა შეიძლებოდა დაგვხვედროდა, მაგრამ წარმოუდგენელია იმის სიტყვებით გადმოცემა, რაც დაგვხვდა, ეს უბრალოდ უნდა ნახო“.

    დაჩი ქავთარაძე:  „ “ტოპ 100 ბანაკი” გამორჩული იყო იმ კემპებისგან, რომელშიც აქამდე მიმიღია მონაწილეობა. ამერიკაში კალათბურთის ცალკე სამყაროა შექმნილი. საოცარი შეგრძნებაა იქ ყოფნა და კალათბურთის თამაში“

    -გამოცდილება…

    ირაკლი კილაძე:  „ იზოლირებულ კალათბურთს გვათამაშებდნენ, ინდივიდუალიზმზე იყო აქცენტი გაკეთებული. “.

    დაჩი ქავთარაძე:  „ კემპი არ იყო მხოლოდ კალათბურთის ტექნიკის გაუმჯობესებაზე ორიენტირებული. გვიტარდებოდა სემინარები.მივიღეთ ინფორმაცია კალათბურთელის ცხოვრების სტილზე. განვიხილეთ ისეთი თემები, როგორიცაა პირადი ცხოვრება, მეგობრებთან ურთიერთობა, უქმეებზეე გართობა, დამოკიდეულება ალკოჰოლისა და ნარკოტიკული ნივთიერებების მიმართ. ეს ყველაფერი ძალიან საინტერესო და საჭირო იყო. “

    -რა მოგცა კემპზე გატარებულმა პერიოდმა?

    ირაკლი კილაძე:  „ შემმატა თავდაჯერება, მივიღე გამოცდილება და სათამაშო კლასი. შევიძინე ახალი მეგობრები”.

    დაჩი ქავთარაძე:  „ გამოცდილება, რომელიც დარწმუნებული ვარ მომავალში აუცილებლად გამომადგება”.

    -ბოლოს…

    დაჩი ქავთარაძე:  „ძალიან დიდი მადლობა გვინდა ვუთხრათ ზაზა ფაჩულიას კალათბირურთის აკადემიას. მათ მოგვცესს შანსი ამერიკულ კალათბურთს გავცნობოდით და ერთი ნაბიჯით მივუახლოვდით ჩვენს ოცნებას, NBA-ს“

    ირაკლი კილაძე: „ მადლოაბა ზაზას აკადემიას, რომ მოგვცა შანსი ეს გამოცდილება მიგვეღო. მადლობა აკადემიის ყველა იმ წევრს, ვინც წლების განმავლობაში გვგულშემატკივრობდა და ენერგიას არ ხარჯავდა ჩვენი განვითარებისთის”.